Շոկոլադե թխվածքի բաղադրատոմս․․․ Ինչը կարող է ավելի համեղ լինել
Ջնարակով շոկոլադե բիսկվիթը ամենահամեղ, պարզ ու արագ թխվածքն է, որը հնարավոր է պատկերացնել։ Բաղադրիչները հասանելի են բոլորին, և պատրաստելու համար շատ ժամանակ չի պահանջվում։
Դիտեք նաև՝
Անհրաժեշտ բաղադրիչներ․
ձու՝ 4 հատ
կարագ կամ մարգարին՝ 250 գ
ալյուր՝ 2 բաժակ
կակաո՝ 4 ճ․գ․
կաթ՝ կես բաժակ
սոդա՝ կես թ․գ․
շաքարավազ՝ 1,5 բաժակ
Պատրաստման եղանակ․
Հալեցնել կարագը, հասցնել եռման աստիճանի, մեջը լցնել կաթը, շաքարավազն ու կակաոն։ Լավ խառնել և ևս մի անգամ թողնել, որ եռա։ Սառեցնել։
Զանգվածին ավելացնել ձուն, հարել, լցնել սոդա և մաս-մաս մաղել ալյուրը։ Նորից հարել։ Եթե խմորը շատ թույլ է, մի քիչ էլ ալյուր լցնել, բայց շատ չէ։
Տապակը ծածկել յուղաթղթով, մեջը լցնել խմորը։
Ջեռոցը տաքացնել մինչ 180 ջերմաստիճանի, թխել մոտ 40 րոպե։ Վերջում պատրաստ լինելը պարտադիր ստուգել փայտե չոփիկով։
Երբ բիսկվիթը սառի, ցանկության դեպքում բաժանել շերտերի, կրեմ քսել։ Վերջում հալեցրած շոկոլադ լցնել։
Բարի ախորժակ։
