Զվարթնոց-ում վայրէջք կատարած Մոսկվա-Երևան օդանավում ռումբ չի հայտնաբերվել

Երևանի «Զվարթնոց» օդանավակայանում վայրէջք Մոսկվա-Երևան չվերթի օդանավում ռումբ չի հայտնաբերվել, տեղեկացրին ՀՀ արտակարգ իրավիճակների նախարարությունից։

«Մարտի 22-ին, ժամը 17։42-ին Ճգնաժամային կառավարման ազգային կենտրոն տեղեկություն է ստացվել, որ Մոսկվա քաղաքի «Վնուկովո» օդանավակայանից Մոսկվա-Երևան չվերթ իրականացնող ինքնաթիռի ուղեբեռում ռումբ կա տեղադրված. ինքնաթիռը վայրէջք է կատարել «Զվարթնոց» օդանավակայանում ժամը 18:20-ին:

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական և Բժշկական ապահովման վարչության հերթապահ խմբերը»,- ասվում է հաղորդագրության մեջ։

Ըստ աղբյուրի՝ տեղազննման արդյունքում ինքնաթիռի բեռնախցիկում և ուղեբեռներում ռումբ չի հայտնաբերվել:

(Visited 40 times, 1 visits today)
Понравилась статья? Поделиться с друзьями:
ԱԶԴԱԿ