ԵԽ պատգամավորները դիմում են ՅՈՒՆԵՍԿՕ-ին և ԵՄ-ին․Ադրբեջանը․․․

Եվրախորհրդարանի պատգամավորները կոչ են անում ՅՈՒՆԵՍԿՕ-ին անհապաղ փաստահավաք առաքելություն կազմակերպել և ուղարկել Լեռնային Ղարաբաղ և հարակից շրջաններ՝ հայկական մշակութային ժառանգության ոչնչացման մասին ահազանգերը ստուգելու և իրավիճակը տեղում ուսումնասիրելու նպատակով:

«Արմենպրես»-ի հաղորդմամբ՝ այդ մասին «Լեռնային Ղարաբաղի մշակութային ժառանգության ոչնչացումը» բանաձևի նախագծի քննարկման ընթացքում հայտարարեցին Եվրախորհրդարանի մի շարք անդամներ, նրանց թվում՝ ԵԺԿ խմբակցությունը ներկայացնող Զելյանա Զովկոն:

Կիպրոսցի պատգամավոր Կոստաս Մավրիդեսը՝ Սոցիալիստների և դեմոկրատների պրոգրեսիվ դաշինքից, իր հերթին շեշտեց, որ քաղաքակրթությունն ու մշակույթը պետք է հնարավորություն լինեն ժողովուրդներին իրար մոտեցնելու, բարեկամություն ստեղծելու, ոչ թե ատելության և թշնամանքի գործիք դառնան:

«Մենք գործ ունենք մի երկրի մշակութային ժառանգության հետ, և երբ այն ոչնչացվում է՝ դա միջազգային իրավունքի խախտում է: Եվրոպական միությունը պետք է ուշադրություն դարձնի այս ոչնչացմանը, քանի որ դա տեղի է ունենում համակարգված հիմունքներով: Սա մշակութային ցեղասպանություն է, և դրա ճանաչումը կենսական անհրաժեշտություն է:

Մենք դա տեսել ենք Սիրիայի Պալմիրայում, մենք դա տեսել ենք Թուրքիայի կողմից օկուպացված Կիպրոսում և տեսնում ենք Ղարաբաղում՝ Ադրբեջանի կողմից: Ուստի կարևոր է, որ մենք ճանաչենք այս մշակութային ցեղասպանությունը, որն իրականացվում է Ադրբեջանի կողմից Լեռնային Ղարաբաղում հայկական մշակույթի հանդեպ», – հայտարարեց Մավրիդեսը:

(Visited 248 times, 1 visits today)
Понравилась статья? Поделиться с друзьями:
ԱԶԴԱԿ