8 կարևոր բան, որոնք մարդիկ անտեսում են չիմանալով, որ դրանք ողնաշարի խնդիրներ պատճառ են դառնում․․․

8 կարևոր բան, որոնք մարդիկ անտեսում են չիմանալով, որ դրանք ողնաշարի խնդիրներ պատճառ են դառնում․․․

Ողնաշարում ցավը կարող է լրջորեն ազդել մարդու կյանքի որակի վրա՝ բարդացնելով նաև ֆիզիկական աշխատանքի կատարման
հնարավորությունը:

Կարևոր է հասկանալ ցավի առաջացման պատճառն ու պայքարել դրա դեմ՝ հետագա բարդացումներից խուսա-
փելու համար:Ներկայացնում ենք 8 առողջական խնդիր,որոնք կարող են ողնաշարի հատվածում ցավի առաջացման պատճառ դառնալ:

1. Արթրոզ:

Այս հիվանդության դեպքում վնասվում են միջողնային սկավառակները: Արդյունքում՝ առաջանում է բորբոքային ռեակցիա, որի հետևանքով՝ ցավ և շարժունակության խանգարում: Սովորաբար ողնաշարի հատվածում արթրոզը զարգանում է տարիների ընթացքում՝ մաշվածության հետևանքով, սակայն կարող է նաև գերծանրաբեռնվածության կամ վնասվածքի հետևանք լինել:

2. Մկանների գերձգում:

Ողնաշարի ստորին հատվածում մկանների կամ ջլերի գերձգումը ևս կարող է ցավի պատճառ դառնալ: Այս խնդրի հիմնական պատճառն ինտենսիվ ֆիզիկական ծանրաբեռնվածությունն է, ինչպես նաև՝ անսպասելի, կրկնվող գործողությունները, որոնք բնորոշ են որոշակի սպորտաձևերի: Պատճառներից մեկը կարող է նաև ավելորդ քաշը լինել:

3. Մկանային կծկումներ:

Շատ դեպքերում ողնաշարի ցավերը մկանային խնդիրների հետևանք են, որոնք կարող են նաև բորբոքման պատճառ դառնալ: Վնասվածքը կարող է առաջալ ոչ ադեկվատ ֆիզիկական ծանրաբեռնվածության, ինչպես նաև՝ սխալ դիրքով որոշակի վարժություններ կատարելու հետևանքով:

4. Միջողնային սկավառակների ճողվածքները ևս կարող են ցավի պատճառ դառնալ,դժվարություններ առաջացնել ինտենսիվ ֆիզիկական ակտիվության դեպքում:

Որպես կանոն՝ այս նշաններն արտահայտվում են վաղ առավոտյան կամ երկար ժամանակ նստած մնալուց հետո: Ցավի և ծակոցների զգացումը կարող է տարածվել նաև դեպի ոտքեր, հատկապես, եթե վնասված է նյարդը:

5. Մկանային թուլություն:

Այս խնդիրը կարող է նկատվել անբավարար ֆիզիկական ծանրաբեռնվածության, սխալ սննդակարգի, անառողջ սովորությունների հետևանքով: Այս ամենը հանգեցնում է նրան, որ ողնաշարն ու հոդերը կորցնում են կայունությունը, աշխատունակությունը: Որպես հետևանք՝ ողնաշարի այդ հատվածը գերլարվում է, առաջանում է ցավ, որը տարածվում է դեպի ոտքեր և ձեռքեր:

6. Վերարտադրողական առողջության խնդիրներ կանանց շրջանում:

Վերարտադրողական առողջության հետ կապված որոշ խնդիրներ կարող են ողնաշարում ցավ առաջացնել: Որպես կանոն՝ այն նկատվում է դաշտանային ցիկլի ընթացքում: Այն կարող է նաև էնդոմետրիոզի և միզասեռական համակարգի վարակների հետևանք լինել:

7. Որովայնի և աղիների հետ կապված խնդիրներ:

Ողնաշարի հատվածում ցավի զգացումը կարող է վկայել նաև նյութափոխանակության համակարգի խնդիրների առկայության մասին: Ստամոքսի խոցը, փորկապությունը կարող են ողնաշարի հատվածում անհարմարության, ցավի պատճառ դառնալ:

8. Երիկամների հիվանդություններ:

Ողնաշարի ցավի դեպքում կարևոր է հերքել երիկամային հիվանդությունների առկայությունը:Որպես կանոն՝ երիկամների խնդիրների դեպքում ողնաշարի ցավն արտահայտվում է՝ որպես բարդացում: Ցավը հիմնականում զգացվում է ողնաշարի ներքևի կենտրոնական հատվածում: Կարող է նկատվել նաև մեզի գույնի և հոտի փոփոխություն:

Ապրեք առողջ

(Visited 6 times, 1 visits today)
Понравилась статья? Поделиться с друзьями:
ԱԶԴԱԿ
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: