Վարդեւանյան. Իշխանությունը չի հանդուրժում, որ Առուշանյանը, լինելով կալանքի տակ, հաղթել է…

Առաջին անգամ էի այս դատավորի նախագահության դատական նիստի գտնվում, կարծես թե դատարանի շենք է, գերբն ու դրոշը առկան են, եւ, կարծես թե, պետք է ականատես լինեինք դատական պրոցեսի, բայց տեսանք ամեն ինչ, բացի դատական պրոցեսից: Այս մասին լրագրողների հետ զրույցում նշեց ԱԺ «Հայաստան» խմբակցության պատգամավոր Արամ Վարդեւանյանը՝անդրադառնալով Գորիսի համայնքապետ Առուշ Առուշանյանի գործով Սյունիքի ընդհանուր իրավասության առաջին ատյանի դատարանի Գորիսի նստավայրում այսօր կայացած դատական նիստին:

«Տեխնիկական հարցով դատարանը 3-4 ժամ հեռացավ խորհրդակցական սենյակ, հետո մեկ այլ՝ ավելի տեխնիկանան հարցով՝ եւս 3-4 ժամ: Դատավորն ինքը դատարանի նկատմամբ անհարգալից վերաբերմունք ցույց տվեց, դատարանը հանդես չի գալիս զուտ իր անձով, այլ դատավարության մասնակիցներով, դատական նիստին ներկա գտնվող մարդկանցով, դատարանում գտնվող ամեն մեկը պետք է գիտակցի, որ դատարանում է, բայց ամենամեծ հարցն այստեղ հենց դատավորի պահվածն էր՝ սա ի՞նչ վարքագիծ էր:

Սահմանադրությունն ասում է՝ մարդու անձնական ազատությունը ամենագերակայող իրավունքներից է, բայց դուք տեսաք, որ դատավորը արհեստական մի քանի ժամ ձգձգտում է նիստը, հետո դատախազությունից միջնորդություն է ներկայացվում, որ էլի մի քանի ժամ ձգձգվի, հետո էլ դատավորն այնքան հարգանք չունենա դատարանի նկատմամբ, որ ասի՝ ընդմիջում չեմ արել, չպետք է անի եւ պետք է մարդու անձնական ազատության հարցը քննարկվի:

Ես շատ վատ եմ զգում, որ թե՛ նիստին ներկաները, թե՛ Գորիսի բնակիչներն ականատես եղան նման բանի: Երբ ինձ հարցնում էին՝ ոնց կարող է դատական նիստը այդքան երկար տեւի, ասացի, որ այսպիսին չպետք է լինի դատական պրոցեսը, նման պատկերացում մի կազմեք: Եթե իրենց թվում է, որ նման վարքագծով ու պրիմիտիվ ձգձգումներով հաջողության են հասնելու, ապա հակառակը:

Այն դատավորը, որը կնստի արագ կքննի, անձնական ազատության հարցը կքննի, երեւի կարգապահական պատասխանատվության կենթարկվի, իսկ ի՞նչ է պետք դրանից խուսափելու համար՝ երեւի, այ սենց նիստեր անցկացնել: Մյուս նիստը նշանակեցին ամսի 29-ին, քավ լիցի, էլի կլինենք այստեղ՝ արդեն ավելի շատ պատգամավորներով»,- նշեց պատգամավորը:

Իշխանությունները, Վարդեւանյանի համոզմամբ, չեն կարողանում հանդուրժել, որ Առուշ Առուշանյանը, լինելով կալանավորված, կարողացավ Գորիսի ընտրություններում նման արդյունք գրանցել, երբ իրենք ամբողջ ռեսուրսով, պատգամավորներով ու պաշտոնյաներով մասնակցում էին քարոզարշավին: Դա արդյունք չի տալու, մի քիչ էլ ձգձգեցին, հետո՞»,- նկատեց Վարդեւանյանը:

Սյունիքի մարզի ընդհանուր իրավասության դատարանի Գորիսի նստավայրում այսօր՝ նոյեմբերի 5-ին կայացած դատական նիստում դատարանը մասնակի բավարարել էր Գորիսի նորընտիր համայնքապետ Առուշ Առուշանյանի պատպանների միջնորդությունը:
Մասնավորապես, դատարանը որոշեց թույլատրել Առուշ Առուշանյանի տեսակցությունները մերձավոր ազգականների հետ, միաժամանակ դատարանը որոշեց պահպանել հեռախոսազանգերի, հեռախոսային հաղորդակցության արգելքը:

«Ինչ վերաբերում է «Գորիս» ՔԿՀ տեղափոխելուն, դատարանն այս պահին նպատակահարմար չի գտնում դա՝ հաշվի առնելով նախ նիստերի ինտեսնիվությունը՝ դատարանի ծանրաբեռնվածության հետ կապված: Այսինքն նիստերն այս փուլում նշանակվում են բավականին երկար ժամանակ ինտերվալով եւ այս պահին այդպիսի անհրաժեշտություն չկա, որ Առուշ Առուշանյանի ներկայությունն ապահովելու համար նա գտնվի այն տարածքում, որտեղ գտնվումէ դատարանը: Այսինքն դատարանը որոշեց մերժել «Գորիս» ՔԿՀ տեղափոխեռլու պաշտպանների միջնորդությունը»,- հայտնել է դատավորը:

(Visited 23 times, 1 visits today)
Понравилась статья? Поделиться с друзьями:
ԱԶԴԱԿ
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: