Մանդարինի հրաշք կեքս, որը պատրաստվում է 10 րոպեում
Անգամ ամենացուրտ և մռայլ եղանակն ավելի ջերմ են դարձնում մանդարինները։ Այս հրաշք կեքսը հաստատ կհավանի ձեր ընտանիքը, որը կարելի է 10 րոպեում պատրաստել։
Անհրաժեշտ է
Ալյուր՝ 2ճ/գ
Ձու՝ 3հատ
Շաքարավազ՝ 3/4բաժակ
Բուսայուղ՝ 1/4բաժակ
Մանդարին՝ 2հատ
Փխրեցուցիչ՝ 1թ/գ
Աղ՝ 1պտղ
Շոկոլադ՝ 50գ
Կաթ՝ 20մլ
Ինչպես պատրաստել
Միավորել շաքարավազը, աղն ու ձուն։ Հարել 3-4րոպե՝ մինչ սպիտակ ու ծավալուն դառնա։ Ալյուրը մաղել, ներմուծել փխրեցուցիչը և լավ խառնել։ Երկու մանդարինի կեղևից քերուկ հանել, իսկ մանդարիններից քամել հյութը։ Ներմուծել բուսայուղը։ Հարած ձվին ավելացնել քերուկը և լցնել մանդարինի հյութը՝ բուսայուղով։ Ներմուծել ալյուրն ու փխրեցուցիչը։ Հարել երկու րոպե՝ մինչ միասեռ դառնա։
Կեքսի կաղապարը յուղել, լցնել խմորը և թխել 180աստիճանի ներքո՝ մինչ պատրաստ լինի։ Պատրաստի կեքսի վրա տաք շոկոլադ լցնել։ Այն պատրաստելու համար միավորել շոկոլադն ու կաթը և հալեցնել։ Տորթը զարդարել մանդարինի կեղևի քերուկով։
