Անչափ համեղ աղցան «Թեթևություն»

Անչափ համեղ աղցան «Թեթևություն»։ Այն կհիացնի Ձեզ իր յուրահատուկ համով

Պատրաստման համար անհրաժեշտ են հետևյալ բաղադրիչները․

Հավի կրծքամիս — 200 գր
Թարմ վարունգ — 1 հատ
Քաղցր պղպեղ — 1 հատ
Լոլիկ — 1 հատ
Փափուկ պանիր (մոցարելլա) — 150 գ
Մայոնեզ — 100 գ
Կանաչիներ` ըստ ճաշակի
Աղ, պղպեղ – ըստ ճաշակի

Պատրաստման եղանակը.

Մանրակրկիտ լվացեք և չորացրեք բոլոր բանջարեղենները: Լոլիկը կտրեք մեծ խորանարդիկներով և լցրեք խոր տարայի մեջ:

Թարմ վարունգը նույնպես կտրատեք խորանարդաձև։

Հանեք բուլղարական պղպեղի սերմերը, կտրեք պղպեղը խորանարդաձև, և լցրեք մնացած բաղադրիչների վրա:

Կտրեք փափուկ պանիրը խոշոր խորանարդիկներով և ավելացրեք բանջարեղենին:

Հավի կրծքամսի վրա ցանեք համեմունքներ, փաթաթեք փայլաթիթեղով, ապա թխեք ջեռոցում 40 րոպե 180 աստիճանով: Միսը սառեցնելուց հետո կտրատեք և լցրեք մնացած բաղադրիչների վրա:

Լվացեք թարմ մաղադանոսն ու սամիթը, մանր կտրատեք և լցրեք աղցանի մնացած բաղադրիչների վրա: Համեմեք աղով և պղպեղով, ավելացրեք մայոնեզ կամ թթվասեր:

Աղցանը լավ խառնեք և մատուցեք։ Բարի ախորժակ։