ԱՆՆԱ ՄԿՐՏՉՅԱՆԸ «ՆԻԿՈԼ» ԱՍԵԼՈՒ ՀԱՄԱՐ ԶՐԿՎԵՑ ՁԱՅՆԻ ԻՐԱՎՈՒՆՔԻՑ (ՏԵՍԱՆՅՈՒԹ)
ԱԺ «Պատիվ ունեմ» խմբակցության պատգամավոր Աննա Մկրտչյանի ելույթի ժամանակ վիճաբանություն ծագեց իր և ԱԺ նիստը վարողների միջև: Մկրտչյանն իր քննադատական ելույթում Նիկոլ Փաշինյանի հասցեին արտահայտվելու ասաց` «Նիկոլը», ինչը դուր չեկավ այդ պահին նիստը վարող ԱԺ փոխնախագահ Հակոբ
Արշակյանին: Նա զգուշացրեց, որ այլևս նման տոնով չարտահայտվի Նիկոլ Փաշինյանի հասցեին, այլապես նկատողություն կհայտարարի: Երիտասարդ պատգամավոըը շարունակեց նույն ոճով իր ելույթը` նորից իր խոսքում Նիկոլի Փաշինյանի հասցեին անունով արգահայտվելով` Նիկոլ: Արշակյանը նորից ընդհատեց և ասաց, որ նկատողություն է հայտարարում պատգամավորին:
Մկրտչյանն ասաց, որ ԱԺ կանոնակարգ-օրենքով պատգամավորին նկատողություն հայտարարելու իրավունք չունեն: Այդ պահին ներս մտավ ԱԺ նախագահ Ալեն Սիմոնյանը, որն էլ իր հերթին դիտողություն արեց Աննա Մկրտչյանին` պահանջելով այլևս նման տոնով ելույթ չունենա, այլապես կզրկի նրան ձայնի իրավունքից: Աննա
Մկրտչյանը, սակայն, մնաց անդրդվելի` նորից ասելով Նիկոլ: Սիմոնյանն էլ ընդհատեց նրան ու անջատեց պատգամավորի խոսափողը` զրկելով նրան ձայնի իրավունքից: Որոշ ժամանակ լեզվակռիվ տեղի ունեցավ ԱԺ նախագահի և ընդդիմադիր պատգամավորի միջև, որից հետո նոր Աննա Մկրտչյանը զբաղեցրեց իր տեղը։
