Նոր կորոնավիրուսը վնասում է տղամարդու ամորձիները. հետազոտություն
SARS-CoV-2 կորոնավիրուսը կարող է վարակել համստերների ամորձիները, պարզել են Տեխասի համալսարանի բժշկական մասնաճյուղի հետազոտողները:
Ամորձիների վնասումը կարող է բացատրել որոշ վարակված տղամարդկանց մոտ հայտնաբերված մի շարք ախտանիշներ, ասվում է Microorganisms ամսագրում հրապարակված հետազոտության մեջ: Գիտնականները վիրուսը հայտնաբերել են բոլոր վարակված համստերների ամորձիներում առաջին շաբաթվա ընթացքում, սակայն ժամանակի ընթացքում դրա քանակությունն աստիճանաբար նվազել է:
«Այս արդյունքներն առաջին քայլն են հասկանալու համար, թե ինչպես է COVID-19-ն ազդում տղամարդկանց սեռական օրգանների եւ վերարտադրողական պոտենցիալ առողջության վրա»,- պատմում է դոկտոր Շենոն Ռոսսին, որի լաբորատորիայում աշխատանքն իրականացվել է:
Գիտնականների խոսքով` հետագա հետազոտությունները ներառում են նաեւ ծանր COVID-19-ի հետ կապված մոդելավորման պայմաններ են ներառում: Խոսքը նախկինում գոյություն ունեցող վիճակների (գիրություն եւ շաքարախտ) մասին է, ինչպես նաեւ` SARS-CoV-2-ի մտահոգիչ տարբերակների:
