ԱՄՆ պետքարտուղարության մամլո խոսնակ Նեդ Փրայսը «Ամերիկայի ձայնի» ռուսական ծառայության հետ զրուցել է պետքարտուղար Էնթոնի Բլինքենի Կիև կատարած այցի արդյունքների, Ուկրաինայի կառավարության ստանձնած պարտավորությունների և նորմանդական ձևաչափի հարցում ԱՄՆ ծրագրերի մասին:
«Ամերիկայի Միացյալ Նահանգները կաջակցեն Ուկրաինային եւ ուկրաինացիներն, ովքեր դիմադրում են Ռուսաստանի արտաքին ագրեսիային: Ռուսաստանը նաև փորձում է ոչնչացնել այն, ինչ անում են ուկրաինացիները իրենց երկրի ներսում, ոչնչացնել ինքնիշխանության և անկախության զգացումը, որին ձգտում են ուկրաինացիները:
Մենք շատ խոսեցինք ռուսական ագրեսիայից, քննարկեցինք կոռուպցիան և բարեփոխումների անհրաժեշտությունը: Դա անհրաժեշտ է, որպեսզի ուկրաինացիները կարողանան առաջ շարժվել, իրականացնել դեպի եվրատլանտյան ուղեգիծ ձգտումը, որին հավատարիմ են թե՛ ժողովուրդը, թե՛ երկրի ղեկավարությունը», ասել է Փրայսը:
Խոսելով G 7-ի եւ ՆԱՏՕ-ի շրջանակներում քննարկումների մասին, Փրայսն ասել է. «Մենք զգացել ենք ՆԱՏՕ-ի անդամ բոլոր 30 երկրների միասնությունը՝ Ուկրաինային աջակցելու հարցում` ռուսական ագրեսիայի և ահաբեկման պայմաններում: Սա նաև արտացոլում է այն, ինչ մենք լսել ենք G7- ի երկրների ներկայացուցիչներից: Այսպիսով, ինչպես ՆԱՏՕ-ն, այնպես էլ G 7-ը հայտարարեցին իրենց աջակցությունը ուկրաինացի ժողովրդին և գործընկերությունը Կիևի հետ:
Ինչ վերաբերում է Միացյալ Նահանգներին և մեր դերին, մենք խորապես ներգրավված ենք գործընթացում, մենք ջանքեր ենք գործադրում և շարունակելու ենք քայլեր ձեռնարկել Ղրիմի կողմից Ռուսաստանի ապօրինի օկուպացիան դադարեցնելու, ինչպես նաև վերջ տալու Ռուսաստանի անօրինական գործողություններին Ուկրաինայի՝ անկախ պետության, տարածքում»:
Պատասխանելով Ուկրաինայի կամ այլ պետության դեմ Ռուսաստանի ագրեսիվ գործողությունների շարունակման դեպքում ԱՄՆ պատասխանի մասին հարցին, Պետքարտուղարության խոսնակն ասել է. «Մենք չպետք է խոսենք հիպոթետիկ հարցերի մասին, կարծում եմ, որ ազդանշանը, որը մենք ազդարարել ենք Կիև ժամանելիս, պետքարտուղար Բլինքենի ներկայությունն ասում է, որ մենք կշարունակենք համագործակցել և աջակցել Ուկրաինային: Ռուսաստանի Դաշնության գործողությունները, նրա կողմից ահաբեկումը, ագրեսիայի փորձերը ոչ այլ ինչ են, քան ԱՄՆ-ին դիմակայելու փորձեր»:
