Երեխաներին հաճախ լողացնելը կարող է հանգեցնել ցանի, ինչպես նաեւ սադրել այնպիսի մաշկային հիվանդությունների սրում, ինչպիսին էքզեման է: Նման կարծիք է հայտնել Ավստրալիայից բժիշկ Սեմ Հեյը:
Mirror-ի հաղորդմամբ՝ երեխային ամեն օր լողացնելու բժշկական անհրաժեշտություն չկա, լավագույն տարբերակը յուրաքանչյուր 2-3 օրը մեկ լողացնելն է: Իհարկե, օպտիմալ հաճախականությունը կախված է կլիմայից, երեխայի ակտիվությունից, մաքրասիրությունից եւ հնարավոր մաշկային հիվանդություններից:
Օրինակ, եթե երեխան տառապում է էքզեմայով, հաճախակի լոգանքները կարող են չորացնել մաշկը: Այդ դեպքում պետք է օգտվել խոնավացնող միջոցներից:Մասնագետը նաեւ նշել է, ջրային պրոցեդուրաները ձգձգել եւս չարժե, քանի որ կեղտը գրգռում է մաշկը, նպաստում բակտերիաների զարգացմանն ու հանգեցնում մաշկային վարակների առաջացման:
