ՀԱՅԻ ԱՉՔԵՐԸ
Կապույտ աչքեր է ունեցել հայը:
Ոսկե վարսեր է ունեցել հայը:
Պայծառ ժպիտ է ունեցել հայը:
Մեծ հայրենիք է ունեցել հայը:
Իսկ երբ վառել են երկիրը հայի,
Իսկ երբ ընկել են որդիքը հայի,
Հուր են արձակել աչքերը հայի,
Ծուխ են ծխացել աչքերը հայի:
Ու սևացել են աչքերը հայի,
Ու սևացել են վարսերը հայի,
Ինչպես պատերը` մեր օջախների,
Որ ավերվել են բախտի պես հայի…
Բայց վերականգնված օջախների պես
Նորից պայծառ են աչքերը հայի:
Յուրի Սահակյան
(Visited 165 times, 1 visits today)
