Տուր Քեզ մոտենալ՝ բալասանվելու,
սերնդի ցավը քեզ փոխանցելու.
Օ՜ երկնավոր Հայր, ցավի ստինքից
արցունք ենք ջամբում.
Օգնության հասիր,
Ցողիր, պարուրիր երկնային լույսով:
Տարրալուծելով դեպ Քեզ
գնացող կայմերը հոգու`
Անալիք ու մեղմ առագաստներով.
Մեզ Տուն հասցրու… Մեզ Տուն հասցրու,
Ամոքիր մեզ, Տեր… տկա՜ր ենք այնպես….
Տեր, քայլիր մեր առջևից,
Թող փեշերիդ հացի բույրը կախվի
մեր օրերի,
Մեր կորուստների, ննջեցյալների,
երկրի վրա:
Մեր բորոտ ձեռքը, Տեր,
դնում ենք Քո սուրբ կայմին`
Խոստովանելու մեր
անհատակ տկարությունները,
Մեղքերն ու ուրացումները.
(Visited 7 times, 1 visits today)
