Ապաշխարության աղոթք
Տե՜ր Աստված, Դու, որ ողորմած ես և գթած, համբերատար և առատագութ, և խղճում ես մարդկանց նրանց չարիքների համար պատժելիս, Դու, որ մեղավորի մահը չես ուզում, այլ նրա դարձն ու փրկությունը, մխիթարիր մեզ, և ապաշխարության առիթ տուր մեզ։ Որպեսզի հոգով առողջացած, խոստովանությամբ և ապաշխարությամբ մտնենք Քո սուրբ եկեղեցին, և բոլոր սրբերիդ հետ փառավորենք Քեզ` Հայր, Որդի և Սուրբ Հոգի, հավիտյանս։ Ամեն։
Որդինե՛ր, լսեցե՛ք բերանի մասին այս խրատը. ով որ պահի այն, չի որսվի։ Մեղավորն իր շուրթերով է որսում, և հայհոյիչն ու ամբարտավանը դրանցով է սայթաքում։ Մի՛ ընտելացրու քո բերանը երդումի։ Մի՛ վարժվիր Սրբի անունով երդվելուն։ Ինչպես այն ծառան, որ հաճախ պատժի է ենթարկվում, անպակաս չէ վերքերից, այնպես էլ ով երդվում և մշտապես սրբի անունն է տալիս, չի մաքրվում մեղքերից։ Շատ երդվող մարդը անօրենությամբ է լցվում, և հարվածներն անպակաս կլինեն նրա տնից
