Ժելատինը շատերի մոտ է ասոցացվում քաղցրավենիքի հետ, հատկապես՝ գունավոր ժելեի ու քաղցր կոնֆետների, որոնք հիմնականում լինում են մրգային համի։ Իրականում ժելեն պատրաստվում է ոչ քաղցր բաղադրիչներից։Ժելատինը կենդանական ծագում ունեցող սպիտակուցների խառնուրդ է, որը ստանում են ջրի մեջ խոզի ջլեր ու ոսկորներ եփելով։
Այս բաղադրատոմսը հնարել է ֆրանսիացի Ժան Դարսեն, ով երկար ժամանակ մտածել է բարեգործական հաստատությունների համար էժան սննդամթերք պատրաստելու մասին։Այսօրվա դրությամբ ժելատինը տարածված է ողջ աշխարհում, այն օգտագործում են հրուշակեղեն պատրաստելու համար։
Համարվում է, որ այն դրական կերպով է ազդում հոդերի աշխատանքի վրա։ Սակայն կենդանիների պաշտպանները խորհուրդ են տալիս չմոռանալ, որ գոյություն ունեն ժելատինի բուսական փոխարինիչներ։Ի դեպ, չի զիջում ժելատինին ագար-ագարը կամ պեկտինը։
Սակայն շատերը չեն անցնում բուսական փոխարինիչներին միայն այն պատճառով, որ դրանք ավելի թանկ են։
Պետք չէ նաև մոռանալ այն մասին, որ ժելատինի օգտագործումը հակացուցված է տրոմբների առաջացման և արյան խտացման հակում ունեցող մարդկանց, նաև լեղաքարային և միզաքարային հիվանդությունների, ոտքի կոճի և փորկապությունների դեպքում։Եթե ցանկանում եք ինքներդ պատրաստել ժելեից կոնֆետներ, մտածեք ժելատինի բուսական փոխարինիչներ օգտագործելու մասին։
