Լոնդոնում գտնվող Մարիա թագուհու համալսարանի գիտնականները ուռուցքների դեմ պայքարի նոր միջոց են գտել: Այս մասին ասվում է Nature Communications ամսագրում հրապարակված հետազոտության մեջ:
Հետազոտողներն ուշադրություն են դարձրել բնական միացությանը՝ IP6-ի կամ ինոզիտ հեքսաֆոսֆատի վրա, որն առկա է գրեթե բոլոր կենդանիների եւ բույսերի մոտ: Պարզվել է, որ այդ միացությունն ունակ է ճնշելու մեդուլոբլաստոմայի զարգացումը: Կա ուռուցքի մի քանի ենթախումբ (WNT, SHH, G3 եւ G4), ընդ որում, G4-ը ամենաքիչն է ուսումնասիրված:
Գիտնականները պարզել են, որ G4 ուռուցքի բջիջներում կան BMI1 սպիտակուցի բարձր մակարդակներ, որոնք նպաստում են ուռուցքի աճին: Առկա է նաեւ CHD7 սպիտակուց, որը դեր է խաղում տվյալ ենթախմբի զարգացման գործում: Սակայն BMI1 սպիտակուցի ակտիվությունը կարելի է ճնշել՝ մշակելով IP6 ուռուցքի բջիջները: Եթե IP6-ը համադրվի ցիսպլատինի հետ, ապա այդ թերապիան ավելի արդյունավետորեն կսպանի ուռոցքային բջիջները:
