Մայր Թերեզա․ Խնդրեցի Աստծուց․․․

Ես խնդրեցի Աստծուն, որ վերցնի իմ հպարտությունը, բայց Նա ասաց.
— Ո’չ, հպարտությունը չեն վերցնում, դրանից հրաժարվում են:
Ես խնդրեցի Աստծուն, որ տա ինձ համբերություն, Նա մերժեց.
— Համբերությունը ձեռք են բերում փորձությունների ժամանակ: Այն չի տրվում, այն վաստակում են:

Ես խնդրեցի Աստծուն, որ ինձ պարգևի երջանկություն, բայց մերժվեցի: Աստված ասաց.
-Տալիս եմ քեզ օրհնություն: Կլինես երջանիկ, թե` ոչ, կախված է քեզանից:
Ես խնդրեցի Աստծուն վերցնել իմ ցավերը, Նա ինձ մերժեց.
— Տանջանքները մարդուն ուղեկցում են դեպի Ինձ:

Ես խնդրեցի Աստծուն, որ իմ հոգին «մեծացնի», «աճեցնի», դարձյալ մերժվեցի: Աստված ասաց.
— Հոգին ինքը պիտի «մեծանա» և «աճի»:
Ես խնդրեցի Աստծուն, որ ինձ սովորեցնի սիրել այնպես, ինչպես Ինքն ինձ սիրեց: Աստված ասաց.
— Վերջապես հասկացար, թե ինչ է պետք խնդրել:

Ես խնդրեցի… Աստված ինձ համապատասխան փորձություն ուղարկեց, որ կոփվեմ:
Ես խնդրեցի իմաստություն, և Աստված ուղարկեց խնդիրներ ու բարդություններ, որոնց վրա պետք էր գլուխ կոտրել:
Ես խնդրեցի քաջություն: Նա ինձ վտանգավոր իրավիճակներում կանգնեցրեց:

Խնդրեցի սեր, Աստված ինձ մոտ ուղարկեց կարիքավորներին, խեղճերին, որբերին, անտուն լքվածներին, նրանց, ովքեր իմ օգնության կարիքն ունեին:Ես խնդրեցի բարություն ու կարեկցանք, և Աստված ինձ տվեց հնարավորություն:
Չստացա նրանից, ինչ ես էի ուզում, բայց ստացա այն ամենը, ինչ պետք էր ինձ:Աստված լսեց իմ աղոթքը…
Մայր Թերեզա