5 պարզ քայլ՝ երազած կարիերան կերտելու համար․․․

1. Առաջին, ամենապարզ, բայց առանցքային կանոնը: Հասկանալ, թե ուր ես գնում եւ որտեղ ես ուզում հայտնվել 3-5-10 տարուց: Եթե ինքդ քեզ փորձես միանգամից մի քանի ուղղությամբ, գուցե ոչ մեկում հաջողություն չունենաս եւ հիասթափվելով` ընդհանրապես հրաժարվես որեւէ փորձից: Իսկ դա սեփական հեռանկարների սանդուղքով սահուն վայրէջքի սկիզբն է: Ավելի արդյունավետ կլինի չշեղվել էությունից եւ կենտրոնացած մնալ մեկ բանի վրա:

2. Խորհուրդներ հարցրու եւ տուր: Մի վախեցիր «թույլ» սեռ լինել եւ օգնություն խնդրել գործընկերներից: Կզարմանաս, թե քանի մարդ պատահաբար «տեղյակ» կլինի, զրույցի համար հրաշալի կապեր խորհուրդ կտա եւ գործնական հոդվածներ: Բայց հիշիր, կարեւոր է, որ դու ինքդ բաց եւ պատրաստ լինես օգնել եւ կապեր հաստատել գործընկերների հետ: Ապագայի համար պահեստային միջոցներ կուտակիր. երբ դու օգնության կարիք ունենաս, արդեն կիմանաս, թե ում դիմես:

3. «Տեղում մնալու համար անհրաժեշտ է վազել»: Լ. Քերոլից այս մեջբերումը մեր օրերում հատկապես այժմեական է դառնում: Տեխնոլոգիաները եւ հնարքները փոխվում են, հասանելի են դառնում տեղեկատվության ավելի մեծ ծավալներ. ոմանք դրանից մրցակցային առավելություններ են քաղում, ուրիշները ժամանակին հարմարվելու անկարողության հետեւանքով ստիպված են նահանջել դիրքերից: Ահա թե ինչու շատ կարեւոր է նորը ճանաչելով` անմիջապես ջանալ դա աշխատանքի մեջ ներառել, չթողնել «նավակողից այն կողմ»: Միայն պրակտիկայի միջոցով են մշակվում հմտությունները եւ ամրապնդվում նոր գիտելիքները:

4. Հավակնությունները հրաշալի երեւույթներ են: Կարծիք կա, թե «նախաձեռնությունը պատժվում է», սակայն հաջող աշխատակիցը հենց պրոակտիվությամբ եւ պատասխանատվությամբ է աչքի ընկնում: Եթե ուզում ես աշխատանքից առավելագույն դրական արդյունք ստանալ, տեսնել սեփական գործողությունների դրական արդյունքները եւ քեզ իրոք արդյունավետ պրոֆեսիոնալ զգալ, անհրաժեշտ է ստանձնել սեփական կյանքի կառավարումը: Ավելի լավ է ռիսկի դիմել եւ սխալվել, քան ընդհանրապես չփորձել: Եվ քեզ կնկատեն:

5. Ինքնաբավ եղիր: Պիտի դու լինես քո տիեզերքի կենտրոնը: Եթե քո առաջնահերթությունն աշխատանքն է, նման կենսական համակարգը հազիվ թե կարելի է կայուն կոչել: Ժամանակակից մարդու կյանքը տարբեր, բայց միանման կարեւորություն ունեցող ոլորտների համադրությունն է` տուն եւ ընտանիք, առողջություն եւ ֆիզիկական լավ վիճակ, անձնական եւ ընկերական հարաբերություններ, հանգիստ եւ հաճույք: Շատ կարեւոր է դրանց միջեւ հավասարակշռություն գտնել: Ոչ մի դեպքում չի կարելի մոռանալ, թե ինչն է քեզ ուրախացնում աշխատասենյակի սահմաններից դուրս. Չէ որ այն ամենը, ինչ անում ես աշխատանքից դուրս, կյանքն ավելի վառ է դարձնում եւ թույլ է տալիս առաջ շարժվել:

(Visited 3 times, 1 visits today)
Понравилась статья? Поделиться с друзьями:
ԱԶԴԱԿ
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: