Ամերիկացի չորս կոնգրեսականներ նամակ են հղել ԱՄՆ-ում Ադրբեջանի դեսպանին՝ կոչ անելով քայլեր ձեռնարկել հայ ռազմագերիներին ․․․

ԱՄՆ կոնգրեսականներ Ջիմ Քոստան, Աննա Էշուն, Ջեքի Սփեյերն ու Ֆրենկ Փալոունը նամակ են հղել ԱՄՆ-ում Ադրբեջանի դեսպան Էլին Սուլեյմանովին՝ կոչ անելով հստակեցնել «հայ ռազմագերիների ազատ արձակման համար իրականացվող հատուկ քայլերն ու Ադրբեջանի իշխանությունների՝ նոյեմբերի 9-ի հայտարարությանը հավատարիմ մնալուն ուղղված աշխատանքները»:

Մարտի 19-ի նամակում ԱՄՆ Ներկայացուցիչների պալատի անդամները նշել են, որ «տեղեկություններ ունեն այն մասին, որ պատերազմի ավարտից 100 օր անց էլ Ադրբեջանը շարունակում է պահել 200 ռազմագերու»:

Նամակի հեղինակներն ընդգծել են, որ գերեվարվածների ավելի քան 10 տոկոսը քաղաքացիական անձինք են: Մեջբերելով Human Rights Watch-ի զեկույցը՝ սենատորները հայտարարել են, որ ռազմագերիները ենթարկվում են վատ վերաբերմունքի, կտտանքների և նույնիսկ առանց դատավճռի մահապատժի:

Ամերիկացի կոնգրեսականների հավաստմամբ՝ հայ ռազմագերիների անվտանգ վերադարձը դարձել է հումանիտար խնդիր և մեծ կարևորություն ունի հետպատերազմյան տարածաշրջանում խաղաղության հաստատման գործում:

(Visited 3 times, 1 visits today)
Понравилась статья? Поделиться с друзьями:
ԱԶԴԱԿ
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: