Համայնքներ այցելությունը Շիրակի մարզպետն սկսում է Արթիկի շրջանի Սպանդարյան համայնքից։
Հովհաննես Հարությունյան, Շիրակի մարզպետ — Իմ արմատներն այստեղից են, իմ հարազատ գյուղից եմ սկսում:
Համագյուղացիների խնդիրները շատ էին, գլխավորը՝ գյուղը չունի արոտավայր։
Էդիկ Կուրղինյան, ֆերմեր — 50 գլուխ անասուն ունեմ, ի՞նչ անեմ, որտե՞ղ արածեն, արոտավայրը տվել են կողքի գյուղին:
Մարզպետարանի պաշտոնյան բացատրեց, թե երբ ու ինչպես է խնդիրն առաջացել։
Արամ Անտոնյան, ՇՄ ՏԻ և հանրապետական մարմինների հարցերով վարչության պետ — 2007-2008թթ. սահմնազատման ժամանակ է այս խնդիրն առաջացել:Խնդիրը լուծել է պետք։ 13 տարի շարունակ եկել են, լսել, խոստացել ու գնացել: Հովհաննես Հարությունյանն էլ խոստացավ խնդիրն ուսումնասիրել, տեղում հանձնարարականներ տվեց։ Ավելի ուշ մի միջանկյալ լուծում էլ առաջարկեց:
Հովհաննես Հարությունյան — Կարելի է վարձով տալ նրանց, ովքեր բիզնես ծրագիր կներկայացնեն կամ 50 գլուխ անասուն ունեն:
Սա այնքան էլ սպանդարյանցիների սրտով չէր։ Նրանց խոստացան խնդիրը համակողմանի ուսումնասիրել ու համայնքապետի հետ լուծումներ որոնել։
Գյուղում այլ խնդիրներ էլ կան, օրինակ, ճանապարհ չկա։ Ոռոգման ցանցի խնդիր ունեն։ 2021-ին սուբվենցիոն ծրագիր են ներկայացրել։ Սպանդարյանի դպրոցն էլ սուբվենցիոն ծրագրով է վերակառուցվել։ 75 տեղով նոր տիպային մանկապարտեզ է կառուցվել։
Այս տարի պետություն-համայնք համետեղ սուբվեցիոն ծրագրերն ավելացել են ամբողջ մարզում՝ ասաց մարզպետը։
Էկոնոմիկայի նախարարի հետ քննարկումներ են եղել, նոր ծրագրեր կան, ներդրումային հոսքը մարզում ակտիվացնելու համար։ Դրանց մասին կխոսեն ծրագրերի հաստատումից հետո:
Հեղինակ`Քրիստինա Մկրտչյան
