Տիգրան Ավինյան․ Մենք չենք ասել՝ արտահերթ խորհրդարանական ընտրություններ չեն լինելու, մենք առաջարկ ենք արել, և պահանջ չի եղել մյուս կողմից․

Հ փոխվարչապետ Տիգրան Ավինյանը Հանրային հեռուստաընկերությանը տված իր հարցազրույցում անդրադարձել է այն հարցին, որ վերջերս իշխանությունը հայտարարել էր, թե արտահերթ խորհրդարանական ընտրություններ անցկացնելու համար չկա հանրային պահանջ, մինչդեռ այսօրվա հանրահավաքի ընթացքում վարչապետ Նիկոլ Փաշինյանն առաջարկում է անցկացնել արտահերթ խորհրդարանական ընտրություններ։

«Ներքաղաքական լարվածությունն առկա է, և ինչ- որ ձևով վերջնական հանգուցալուծման մենք պետք է գանք։ Մենք պատրաստակամ ենք խոսել բոլոր ուժերի հետ, առաջին օրվանից էլ պատրաստակամ ենք եղել և մենք ենք առաջարկել արտահերթ խորհրդարանական ընտրությունների օրակարգ։ Այդ օրակարգին մեծ արձագանք չի եղել։

Հիմա նոր «Լուսավոր Հայաստան» կուսակցության ղեկավար Էդմոն Մարուքյանը ևս մեկ քայլ մոտեցրեց ընդդիմության ներկայացուցիչներին դեպի արտահերթ ընտրություններ, և մենք այդ օրակարգը նորից վերաբացում ենք։

Մեզ համար այդ օրակարգը վերջնական փակ չի եղել, մենք չենք ասել՝ արտահերթ խորհրդարանական ընտրություններ չեն լինելու, մենք առաջարկ ենք արել, և պահանջ չի եղել մյուս կողմից։ Հիմա երբ նորից կա այդ առաջարկը, մենք ասում ենք եկեք խոսենք, պայմանավորվենք»,- նշել է նա:

(Visited 18 times, 1 visits today)
Понравилась статья? Поделиться с друзьями:
ԱԶԴԱԿ
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: