Ռուսաստանցի ընդդիմադիր բլոգեր Ալեքսեյ Նավալնին Բաբուշկինսկի շրջանային դատարանում, Մոսկվա, 21 փետրվարի, 2021թ.
Ռուսաստանցի ընդդիմադիր բլոգեր Ալեքսեյ Նավալնին այսօր դատարանում հանդես եկավ վերջին խոսքով:Նա ասաց, որ «Ռուսաստանը դժբախտ երկիր է, որտեղ ապրող դժբախտ ժողովուրդն արժանի է երջանկության»:
Բաբուշկինսկի շրջանի դատարանը վեց շաբաթով կրճատել է Նավալնիի պայմանական ազատազրկումը 3.5 տարվա իրական ազատազրկմամբ փոխարինելու Սիմոնովսկի դատարանի սահմանած պատժաչափը:
Հաշվի առնելով տնային կալանքի և «Մատրոսկայա տիշինա» բանտում գտնվելու տևողությունը` դատարանը վճռել է, որ Նավալնին քրեակատարողական հիմնարկում կմնա ընդհանուր հաշվով 2.5 տարի:
«Իհարկե, ես ուզում եմ, որ Ռուսաստանը երջանիկ լինի, դրա համար էլ առաջարկում եմ փոխել կարգախոսը՝ Ռուսաստանը պետք է լինի ոչ միայն ազատ, այլև երջանիկ: Ռուսաստանը կլինի՛ երջանիկ»,- հայտարարել է Նավալնին:
Այսօր ավելի ուշ Բաբուշկինսկի շրջանի դատարանը կանդրադառնա երկրորդ գործին, որով Նավալնին մեղադրվում է պատերազմի վետերանին զրպարտելու և վիրավորելու մեջ:
