Վահե Տեր-Մինասյան․ Զոհված զինվորների 40-45 տարեկան մայրերը դիմում են ինձ նորից տղա ունենալու նպատակով․

Հայաստանը, որ գտնվում էր դեմոգրաֆիական խոր փոսի մեջ, պատերազմից հետո էլ ավելի լրջագույն խնդիրների ու մարտահրավերների առջև է կանգնել: Հետազոտության տվյալների համաձայն՝ 2020թ. նորակոչիկների թիվն ամենաքիչն էր, քանի որ շատ ցածր է եղել 2001-2002 թթ. ծնելիությունը:

Թեմայի շուրջ «Առաջին լրատվական»-ը զրուցել է Առողջապահության ազգային ինստիտուտի ուռուցքաբանության ամբիոնի վարիչ Վահե Տեր-Մինասյանի հետ:

Տեր-Մինասյանը ֆեյսբուքայն իր էջում հետաքրքիր գրառում էր կատարել՝ առաջարկելով ոչ ստանդարտ լուծումներ: Պարզաբանելով իր առաջարկը՝ Տեր- Մինասյանը նշեց. «Գրառումս վերաբերում էր զոհված ընտանիքներում նորից երեխա ունենալու գաղափարին: Դրանից հետո բավականին շատ, գրեթե ամեն օր այդպիսի ընտանիքներից զանգահարում են, գալիս են կոնսուլտացիաների, քննարկումների:

Շատ ծանր է լսել մայրերին, ամեն ինչը նրանց հետ վերապրում ես: Նրանք ֆանտաստիկ ուժեղ մարդիկ են: Պատկերացրեք՝ կին, որը մի քանի ամիս առաջ 18-20 տարեկան երեխա է կորցրել և գալիս ու ասում է՝ ես ուզում եմ, որ իմ երեխան նորից ծնվի: Առանց հուզմունքի հնարավոր չէ լսել այդ կանանց, որ վիշտն ու ցավը հոգու մեջ պահած, խաղաղ՝ իրենց որոշումն արդեն ունեն»:

Նորից տղա ունենալու ցանկություն հայտնող որդեկորույս մայրերը 40-45 տարեկան են: «Կանանց համար ռեպրոդուկտիվ տարիք է համարվում մինչև 35 տարեկանը, բայց բժշկության այսօրվա հնարավորություններով հնարավոր է «խաբել բնությանը»,- նշեց Տեր-Մինասյանը՝ ներկայացնելով այդ տարիքում մայրանալու մի քանի տարբերակ:
Մանրամասն՝ տեսանյութում:

(Visited 18 times, 1 visits today)
Понравилась статья? Поделиться с друзьями:
ԱԶԴԱԿ
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: