Պոպուլյար հավելվածը վարակել է միլիոնավոր օգտատերերի սմարթֆոնները․․․

Պոպուլյար Barcode Scanner հավելվածը, որը թույլ է տալիս սկանավորել շտրիխ ծածկագրերը, միլիոնավոր օգտատերերի սմարթֆոնները վարակել է վնասակար քոնթենթով: Կիբեռանվտանգության Malwarebytes ընկերության բլոգի համաձայն` վտանգավոր բովանդակությամբ ծրագիրը ներբեռնվել է ավելի քան 10 միլիոն անգամ:

Barcode Scanner հավելվածը հասանելի է Google Play-ի պաշտոնական խանութում, որից օգտվում են Android օպերացիոն համակարգով աշխատող սարքերի տերերը: Սկզբնական շրջանում ծրագիրը կասկած չէր հարուցում եւ վնասակար հատկություններ չուներ: Սակայն վերջին թարմացման մեջ հետազոտողները վտանգավոր գործառույթ են գտել, որի մասին հավելվածի նկարագրության մեջ ոչինչ չէր ասվում, փոխանցում է «Լենտա»-ն:

Malwarebytes-ը սկսել է նամակներ ստանալ օգտվողներից, ովքեր հայտնում են, որ այժմ բրաուզերի մեջ սկսել են ինքնուրույն գովազդներով էջեր բացվել: Barcode Scanner ծրագրային կոդի ուսումնասիրությունից հետո պարզ է դարձել, որ հենց դրանից է գալիս գովազդային հարձակումը` դրանց ցուցադրումից եկամուտ ստանալու նպատակով:

Malwarebytes-ի մասնագետ Նեյթան Քոլյերը նշել է, որ վտանգավոր գործառույթն ավելացրել է մշակողը: Նա Google-ին հայտնել է վտանգավոր հավելվածի մասին, ինչից հետո Barcode Scanner-ը հեռացվել է խանութից: Սակայն ծրագիրը դեռ գործունակ է բոլոր նրանց մոտ, ով այն ինքնուրույն չի հեռացրել:

(Visited 1 times, 1 visits today)
Понравилась статья? Поделиться с друзьями:
ԱԶԴԱԿ
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: