Եվրոպայից Covid-ի դեմ պատվաստանյութերի արտահանման վերահսկումը կարող է համաշխարհային ․․․

Կորոնավիրուսի դեմ պատվաստանյութերի արտահանման վերահսկողություն սահմանելու ԵՄ որոշումը «խիստ խնդրահարույց է»,- ասում են փորձագետները՝ նախազգուշացնելով, որ դա կարող է հանգեցնել համաշխարհային մատակարարումների փլուզման, եթե այլ երկրներ հետեւեն նույն օրինակին:«Իրական ռիսկ կա, որ ԵՄ-ի այս որոշումը կհանգեցնի արտահանման արգելքների (պատվաստանյութերի) շարքի այլ երկրներում»,- CNBC-ին ասել է Առողջության գլոբալ կենտրոնի ասպիրանտուրայի ինստիտուտի համանախագահ Սուերի Մունը:

«Իրական ռիսկ կա, որ մենք կտեսնենք սահմաններով պատվաստանյութերի մատակարարումների խափանում, նույնը, ինչ մեկ տարի առաջ, երբ երկրները, ներառյալ ԵՄ-ն, արգելափակեցին սննդամթերքի եւ նույնիսկ դիմակների ու բժշկական այլ անհրաժեշտ պարագաների արտահանումը: Սա միջազգային մակարդակի աղետ է»:Վատագույն դեպքում, նրա խոսքով, «ամենամեծ ռիսկն այն է, որ դա օրինակ կհանդիսանա շատ այլ երկրների համար, ինչը կհանգեցնի պատվաստանյութերի համաշխարհային մատակարարումների խափանմանը»:

ԵՄ-ն անցյալ շաբաթ հայտարարել էր, որ ներմուծում է, այսպես կոչված, «Covid-19-ի դեմ պատվաստանյութերի արտահանման թափանցիկության եւ թույլտվության մեխանիզմ»: Միջոցառումը նախատեսված էր «ԵՄ բոլոր քաղաքացիների համար Covid-19-ի դեմ պատվաստանյութերին ժամանակին հասանելիություն ապահովելու եւ ԵՄ-ից դուրս պատվաստանյութերի արտահանման ներկայիս անթափանցիկությունը լուծելու համար»:

Չնայած այս միջոցը «արտահանման արգելք» չէ, այնուամենայնիվ, այն թույլ է տալիս անդամ պետություններին սահմանափակել ԵՄ-ում արտադրվող պատվաստանյութերի արտահանումը, եթե կարծում են, որ պատվաստանյութերի արտադրողը չի կատարել ԵՄ-ի հետ գործող պայմանագրերը:«ԵՄ-ն, անշուշտ, գործի է դրել ճնշման մի քանի փական` աշխարհի որոշակի երկրներ արտահանում թույլ տալու համար, բայց դեռ կան շատ երկրներ, որոնք մեծապես կախված են ԵՄ արտադրությունից, եւ նրանք կարող են շատ տուժել»,- ասել է Մունը:

(Visited 8 times, 1 visits today)
Понравилась статья? Поделиться с друзьями:
ԱԶԴԱԿ
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: