«Ջանքեր ենք գործադրում, որպեսզի կարողանանք նպաստել մեր գերեվարված զավակների վերադարձին»,- այսօր Եռաբլուրում լրագրողներին ասաց Ամենայն հայոց կաթողիկոս Գարեգին երկրորդը։ Նա տեղեկացրեց, որ քննարկում են հայ գերիների հարցով Հռոմի պապին դիմելու հարցը։«Մենք քննարկում ենք այդ հարցը և պատշաճ քայլերը ձեռնարկում»,- ասաց նա։
Անդրադառնալով ադրբեջանական վերահսկողության տակ անցած Արցախի հայկական եկեղեցիների պղծման հարցին՝ նա ասաց․ «Մենք դատապարտում ենք նման երևույթները և ջանքեր գործադրում ենք, որպեսզի նաև միջազգային հանրությունը ևս իր դատապարտման խոսքն ասի։
Մենք ուզում ենք մեր գնահատանքն արտահայտել ՌԴ իշխանությանը և ռուս ուղղափառ եկեղեցու հոգևոր պետին՝ Կիրիլ պատրիարքին՝ այն աջակցության ու զորակցության համար, որով հնարավոր դարձավ, որպեսզի Դադիվանքն այսօր շարունակի իր ծառայությունը»։
